അദ്ദിക്ർ

ഇടിനാദവും അതിന്‍റെ പിന്നിലുള്ള മലക്കുകളും ഏതൊരുവനെ സ്തുതിച്ചുകൊ ണ്ട് വാഴ്ത്തുന്നുവോ, അവന്‍ പരിശുദ്ധനാകുന്നു എന്ന് ഇടിമിന്നലുണ്ടാകുമ്പോള്‍ പ്രാര്‍ ത്ഥിക്കാന്‍ പ്രപഞ്ചനാഥന്‍ അവന്‍റെ പ്രവാചകനിലൂടെ പഠിപ്പിച്ചിട്ടുണ്ട്. 30: 24 ല്‍, ഭയവും ആശയും ഉളവാക്കിക്കൊണ്ട് നിങ്ങള്‍ക്ക് മിന്നല്‍പിണര്‍ കാണിച്ചുതരുന്നതും ആകാശത്തുനിന്ന് വെള്ളം ഇറക്കിത്തരുന്നതും അതുകൊണ്ട് ഭൂമിയെ അതിന്‍റെ നിര്‍ജീവാവസ്ഥക്ക് ശേഷം ജീവന്‍ നല്‍കുന്നതും അല്ലാഹു ഉണ്ട് എന്നതിനുള്ള തെളിവാണ്, നി ശ്ചയം അതില്‍ ചിന്തിക്കുന്ന ഒരു ജനതക്ക് പാഠങ്ങളുണ്ട് എന്ന് പറഞ്ഞിട്ടുണ്ട്. ഭൂമിയിലു ള്ള സര്‍വ്വപ്രതിഭാസങ്ങളും മലക്കുകളും അല്ലാഹുവിനെ വാഴ്ത്തുന്നവരാണ് എന്നിരി ക്കെ ബുദ്ധിശക്തിയും വിവേകവും നല്‍കപ്പെട്ട, അവന്‍റെ പ്രതിനിധികളായി ജീവിക്കേ ണ്ട മനുഷ്യര്‍ എല്ലായ്പ്പോഴും അവനെ സ്തുതിക്കേണ്ടവരും വാഴ്ത്തേണ്ടവരുമാണ്. അപ്പോള്‍ അവര്‍ക്ക് ഒരുതരത്തിലുള്ള ആപത്തും സംഭവിക്കുകയില്ല. എന്നാല്‍ ഇത്തരം സൂക്തങ്ങളെല്ലാം ആശയമില്ലാതെ വായിച്ച് കാഫിറുകളായിത്തീര്‍ന്ന ഫുജ്ജാറുകള്‍ ഗ്ര ന്ഥത്തിന്‍റെ കാര്യത്തില്‍ തര്‍ക്കിച്ചുകൊണ്ടിരിക്കുന്നവരാവുകവഴി അല്ലാഹുവിനെ പരിഗണിക്കേണ്ടവിധം പരിഗണിക്കാത്തവരും മലക്കുകളെക്കൊണ്ടുള്ള വിശ്വാസം രൂപപ്പെടാത്തവരുമായി മാറിയിരിക്കുകയാണ്. അതുകൊണ്ടുതന്നെ കൂടുതല്‍ ആപത്തു-വിപത്തുകള്‍ സംഭവിക്കുന്നത് ഇതര ജനവിഭാഗങ്ങളെ അപേക്ഷിച്ച് ലക്ഷ്യബോധമില്ലാതെ ജീവിക്കുന്ന ഇക്കൂട്ടര്‍ക്ക് തന്നെയാണ്. ഇവര്‍ തന്നെയാണ് കാഫിറായ മസീഹുദ്ദജ്ജാലിനെ ആദ്യം നബിയായും പിന്നെ റബ്ബ് തന്നെയായും സ്വീകരിക്കുക. 2: 98-99; 4: 78-79; 6: 115-116 വിശദീകരണം നോക്കുക.